कृष्णराज खनाल
सोमबार,January,२५,२०१०

बोस्टन अमेरिका माघ ११ गते । विदेशमा बस्ने नेपालीहरुलाई एकत्रित गर्ने र समाजसेवा भावलाई पनि जगाउने उद्धेश्यले हिजो साँझ यहाँ लाइन्स क्लव अफ हिमालयन न्यु इङगल्याण्ड गठन गरिएको छ । यहाँको स्थानीय मिलिस लाइन्स क्लवको प्रायोजनमा गठित सो क्लवको अध्यक्षमा महेश्वर पन्त नियुक्त हुनुभएको छ । सो क्लवको प्रथम उपाध्यक्षमा शिव प्रकाश तथा द्वितीय उपाध्यक्षमा विष्णु कार्की तृतीय उपाध्यक्षमा अर्जुन देवकोटा सचिवमा नवीन कुमार श्रेष्ठ कोषाध्यक्षमा विमल नेपाल टेल ट्विस्टरमा हजुरी िसंह र लाइन ट्यामरमा आजाद प्रधान रहनुभएको छ । नवगठित क्लवको सदस्यता व्यवस्थापनमा डा। राजेश थापा द्वितीय उपाध्यक्ष विष्णु कार्कीलाई समारोह तथा कार्यक्रम व्यवस्थापन राम थापालाई सांस्कृतिक आदान प्रदान खानपिन व्यवस्थापनमा राम धिताल क्लव भिजिटेसन व्यवस्थापनमा डा। विशाल मैनाली र जनसम्पर्क्र व्यवस्थापनमा प्रकाश अधिकारी रहनुभएको छ । त्यसैगरी कार्यकारी सदस्यमा प्रकाश अधिकारी सुभास अग्रवाल पेमा निमा शेर्पा सुदीप अधिकारी राजेन्द्र श्रेष्ठ र पेशल रेग्मी रहनुभएको छ । सो क्लवको अन्तर्राष्ट्रिय संयोजकमा डा। शिव गौतम र महिनाको एक डलर अभियानका संयोजक शिवप्रकाश रहनुभएको छ । सो अवसरमा प्रायोजक क्लवका तर्फबाट लायन स्टेभ क्याम्पबेल पिकलमिर र डिष्ट्रिक गभर्नर डोरम्यान लगायत डा। गौतम अध्यक्ष पन्त र सदस्य सुभास अग्रवालले क्लव स्थापन र यसको गतिविधिका विविध पक्षमा प्रकाश पार्नु भएको थियो । सो अवसरमा वोष्टनमा तीन हप्ता अघि हत्या गरिएका नेपाली सुरेन्द्र डंगोलका परिवारको सहयोगार्थ संकलित रकम स्थानीय नेपालीहरुको संस्था जीवीएनसीलाई हस्तान्तरण गरिएको थियो ।