एस के नेपाल न्यूज सर्भिस
मंगलबार,मार्च ,१६,२०१०

गृहमन्त्री भीम रावलले सरकारका तर्फबाट माओवादी लडाकूको व्यवस्थापनका लागि कार्ययोजना तयार गरेपनि राजनीतिक इच्छाशक्तिका कारण निस्कर्षमा पुग्न नसकेको बताउनु भएको छ। उहाँले स्वार्थका कारण लडाकू व्यवस्थापनमा एकीकृत माओवादी गम्भीर नभएको आरोप लगाउनु भयो। प्रेस चौतारी बाँकेले आयोजना गरेको पत्रकार सम्मेलनमा गृहमन्त्री रावलले शिविरभित्र नरहेका माओवादी लडाकूलाई अनिमन र स्वयम् माओवादीले भत्ता दिलाई दुरुपयोग गर्न नहुने बताउनु भयो। गृहमन्त्री रावलले गृह राज्यमन्त्री रिजवान अन्सारीलाई पार्टीले अनुशासनहीन काम गरेकाले कारवाही गरेको दाबी गर्नुभयो। उहाँले शान्ति सुरक्षाको अवस्था विगत तीन वर्षको तुलनामा सुधार भएको उल्लेख गर्दै सेनाले बर्दियामा हत्या गरेका तीन जना महिलाका सम्बन्धमा गृहमन्त्री रावलले सत्यतथ्य छानविन हुने बताउनुभयो।